مرض بطل الرواية - Protagonist disease

-أنا اتحطيت في موقف محرج هما خدوا بالهم! زمانهم بيحكوا ده لبعض دلوقتي أو هياخدوا عني الفكرة دي .. هو كل الناس بتبصلي ليه! شكلي وحش!
أو
- شكلي كان حلو النهارده كل الناس مركزة في كلامي في تصرفاتي حتي لما بسكت مركزين معايا في ابتسامتي ..إلخ زمانهم بيفكروا فيا دلوقتي ومعجبين بيا

كنت بقلب في موقع أجنبي ولاقيت الحالة دي عرفها الدكاترة النفسيين بـ"protagonist disease" أو بالترجمة الحرفية "مرض بطل الرواية" .. بتفضل فاكر نفسك الشخصية الأهم أو محور الكون كل الناس مركزة معاك ويبدأ يأثر علي تصرفاتك قدام الناس طول الوقت ويحولك لـ"Insecured person" أو "Socially awkward".
زي الأفلام بالظبط الفيلم بيدور حولين الشخصية الرئيسية اللي الكاميرا مركزة معاه طول الوقت لما بيتكلم لما بيسكت, وشخصيات تانية في الفيلم بتختفي الناس بتموت حوليه والفيلم يخلص لما هو اللي يموت, فتقنع تفسك بإنك "The true main character of the universe" باقي البشر شخصيات ثانوية حياتهم تافهة لكن حياتي معقدة مليانة بالتحديات والمشاكل اللي بواجهها في حياتي .. هل ده بجد؟

هو بجد أنت ممكن تكون محور الكون بالنسبة للناس والشخصية الرئيسية في حياتهم ده في حالة لو كنت "جيم كاري" في فيلم (The truman show - 1998) كانت حياته عبارة عن عرض بيشوفه الملايين حولين العالم 24 ساعة حاجة زي Start academy كده :"D ده هيدخلنا في موضوع تاني اسمه -متلازمة ترومان شو- مالناش دعوة بيها دلوقتي :D

بس في الحقيقة أنت الشخصية الرئيسية في حياتك أنت مش في حياة الناس .. كلنا بنمثل الشخصية الرئيسية حياتنا بعيد عن حياة الناس, والمصطلح ده عرفه موقع "The Dictionary of Obscure Sorrows" في فيديو باسم (Sonder-الاستدراك) بيتكلم عن إن كل شخص وراه قصة "The Realization That Everyone Has A Story"
مثلا لو عندك ميعاد مع الدكتور وفضلت مستني مريض جوه بتفضل تقول هو بيعمل إيه جوه وبتبقي عايزه يخرج بأي طريقة, ولما أنت تتأخر مع الدكتور تلاقيك بتحكي قصص عن حالتك اللي كانت سبب لتأخيرك جوه.

فباقي الناس عندهم حياتهم المعقدة ومليانة بالمشاكل عندهم طموحهم واهتماماتهم أخطاءهم كل واحد فيهم وراه قصة زيك بالظبط ,كل ده بيحصل حوليك بشكل خفي من غير ما تاخد بالك زي خلية النحل بالظبط :D فماحدش عنده الوقت أو الـmental state اللي تخليه يستوعب كل ده في حياة كل واحد حوليه.
أنت زيادة في حياة معظم الناس أو مش شايفينك حتي زي ما أنت مش شايفهم .. زي حد معدي من جنبك واحد في الخلفية في مطعم , شباك منور بليل لحد شغال في مكتب وقت الفجر :D كل واحد من دول ورا قصة وحياة كاملة
بمجرد ما تستوعب ده هتعرف تقدر كل حاجة في حياة الناس اللي حوليك ,زي تبقي مستني حاجة من شخص وما يحققش توقعاتك ساعتها هتعرف تقدر ظروفه وتستوعبها..إلخ , وفي الآخر هتلاقي تصرفاتك اللي شايفها محرجة قدام الناس مجرد ولا حاجة .. أنت مجرد إبره في كومة قش.
الفيديو: https://www.youtube.com/watch?v=AkoML0_FiV4

تعليقات

إرسال تعليق

المشاركات الشائعة من هذه المدونة

بعزق: أكون أو لا أكون

فى مثل هذه الفترات فى حياتى اتجه إلى التطلع لأهداف بسيطة مكافئات صغيرة كمصدر بسيط للسعادة قد تتمثل فى فنجان قهوة وسيجارة فى الصباح, صفحات من كتاب احبه أو بعض الحلقات من مسلسل قديم، عدد من الأغنى لفرقتي الموسيقية المفضلة. كتابتى هذه قد تكون أحد أنواع المكافئات التى اتحدث عنها لذا اعتقد إنى سأكمل الحديث بالعامية لأحصل على الحرية المطلقة فى الحديث عن هذا الموضوع الذى لم اختر له عنوان بعد ولا اعرف ماهيته فقط شعرت بالرغبة فى كتابة شيئ ما  صباح الخير, فى الفترة الأخيرة من خلال متابعتى للمسلسل المصرى "الكبير أوى" كوسيلة لتقليل أصوات الصمت فى يومى أو وقت فطارى تحديداً وقفت عند مشهد معين للمثل أحمد فتحى عن دوره لشخصية بعزق أحب اذكر رقم الحلقة قبل ما ابدأ فى الكلام هى كانت الحلقة الحلقة العشرين - الجزء الخامس "أكون أو لا أكون" زى ما ذكر ويليام شكسبير فى قصة هامليت ده مش عنوان الحلقة بالتأكيد بس اعتقد ممكن دلوقتى اختاره يكون جزء من عنوان كلامى الحقلة دى كانت بتدور أحداثها عن إن الكبير وحبة من رجالته اللى دخلوله السجن علشان يساعدوه فى الخروج من السجن فى أكتر من حلقة بخطط مخ...
قراءة المزيد